Cyberpunk - مسلسل النهاية
يوم 13 أبريل اللي فات قلت الكلام ده بعد أما شوفت تريلر مسلسل "النهاية" أول مرة وكنت فاكر إن توصيفي دقيق. كتبت يومها:
"أعتقد أول مسلسل sci-fi جاد في تاريخ (مصر)، في فئة Robots وفئة Dystopia. شابو ليوسف على اختياراته."
"أعتقد أول مسلسل sci-fi جاد في تاريخ (مصر)، في فئة Robots وفئة Dystopia. شابو ليوسف على اختياراته."
لغاية ما شوفت أول حلقة بالكامل لأكتشف إن الجنرا Genre أو الصنف الأدبي المتفرع من نوعية الخيال العلمي ده هو السايبربانك Cyberpunk وممكن تُكتب سايبربونك أو سَيبربَنك (وتعريف مصطلح السايبربانك وخلفيته محتاج بوست لوحده، بس باختصار Cyber لوحدها بتشير للتقنية الإليكترونية المتطورة، و punk لوحدها معناها الحرفي فاسق أو صايع أو واطي، وبتشير ضمنًا للعالم السفلي أو انهيار النظام الاجتماعي، يعني لو مُصر على ترجمة للمصطلح - وأنا ضد ده - فهنقول <الانحطاط الإليكتروني>! ولو عايز تتخيل شكل العالم ده أو بواكيره حاليا، اتفرج على اليابان الحديثة بالليل. أول واحد كتب كلمة سايبربانك كان (بروس بثكي Bruce Bethke) في قصة كان المصطلح هو نفسه عنوانها سنة 1983).
= طب هتفرق في ايه إنه يطلع سايبربانك من إنه يطلع ديستوبيا؟
تفرق إن فيه ناس معتقدة إن فيه خطأ في ظهور مواد أو أشياء متخلفة في المسلسل، مقارنة بالتقنية العالية اللي طالعة في نفس المشهد.
تفرق إن فيه ناس معتقدة إن فيه خطأ في ظهور مواد أو أشياء متخلفة في المسلسل، مقارنة بالتقنية العالية اللي طالعة في نفس المشهد.
= طيب معلش واحدة واحدة كده عشان نستوعب: السايبربانك ده حاجة قديمة يعني معروفة في العالم، بحيث يعتبر الجهل بيه تأخر؟
بالنسبالي أنا مش قديم قوي، لأنه ظهر في نفس السنة اللي اتولدت فيها 1983، لكن ده معناه إنه قديم جدا بالنسبة للشباب الأصغر سنًا مني، بالتالي يعتبر أحد أنواع الخيال العلمي اللي من المهم معرفتها، ومعرفة كاتب النوع ده الأكثر شهرة (ويليام جيبسون) الملقب بـ (رسول النوار) (النوار noir مصطلح معناه بالفرنسية أسود، يخص أحد أنواع الخيال الكئيب أو أفلام الجريمة، خاصة اللي ظهرت في فترة الأربعينات والخمسينات) ولقبه (رسول النوار) ده بسبب إن السايبربانك اللي هو أصبح من رواده وأساتذته، أثر بشكل واسع في السينما والأدب والموسيقى والتكنولوجيا والفن وحتى الموضة، وأشهر أعماله قوة (نيورومانسر) Neuromancer اللي ظهرت سنة 1984.
بالنسبالي أنا مش قديم قوي، لأنه ظهر في نفس السنة اللي اتولدت فيها 1983، لكن ده معناه إنه قديم جدا بالنسبة للشباب الأصغر سنًا مني، بالتالي يعتبر أحد أنواع الخيال العلمي اللي من المهم معرفتها، ومعرفة كاتب النوع ده الأكثر شهرة (ويليام جيبسون) الملقب بـ (رسول النوار) (النوار noir مصطلح معناه بالفرنسية أسود، يخص أحد أنواع الخيال الكئيب أو أفلام الجريمة، خاصة اللي ظهرت في فترة الأربعينات والخمسينات) ولقبه (رسول النوار) ده بسبب إن السايبربانك اللي هو أصبح من رواده وأساتذته، أثر بشكل واسع في السينما والأدب والموسيقى والتكنولوجيا والفن وحتى الموضة، وأشهر أعماله قوة (نيورومانسر) Neuromancer اللي ظهرت سنة 1984.
= يعني هنفترض إنه العمل الأول من نوعه في مصر والعالم العربي، برضه محتاج دليل على إن المسلسل بيدور في الجنرا دي أو التصنيف ده، لأني مسمعتش عن فيلم أو مسلسل فيه عناصر زي أشخاص مهمشين على حافة المجتمع، ويقدروا يعدلوا على أجسامهم، وفي نفس الوقت فيه صراع مع مؤسسات عملاقة. التركيبة دي جديدة عليا، موجود؟
الدليل سهل جدا لو هتبحث وتقرأ، وعموما دي فقرة كوبي بيست - مش كلامي - من ويكيبيديا بتذكر العناصر اللي انت شوفتها في المسلسل دي بالظبط: ((طبقا للورانس بيرسون وهو كاتب خيال علمي فإن أشخاص السيبربنك الكلاسيكيين كانوا مهمشين ومعزولين ووحيدين يعيشون في حافة المجتمع عامة في العقود الآتية على حين الحياة اليومية قد تأثرت بالتغير التكنولوجي السريع ونطاقات البيانات للمعلومات الإلكترونية منتشرة بوفرة والتعديل والتطوير على الجسم الإنساني منتشرة بكثرة.
مخططات السيبربنك -في أغلب الأحيان- مركزة على النزاع بين لصوص الكمبيوتر والاستخبارات الاصطناعية والمؤسسات العملاقة وتميل إلى أن تكون مجموعة في مستقبل الأرض القريبة بدلا من أوضاع المستقبل البعيد الموجودة في بعض الروايات مثل: مؤسسة لإسحاق أسيموف أو كثيب لفرانك هيربيرت.)).
الدليل سهل جدا لو هتبحث وتقرأ، وعموما دي فقرة كوبي بيست - مش كلامي - من ويكيبيديا بتذكر العناصر اللي انت شوفتها في المسلسل دي بالظبط: ((طبقا للورانس بيرسون وهو كاتب خيال علمي فإن أشخاص السيبربنك الكلاسيكيين كانوا مهمشين ومعزولين ووحيدين يعيشون في حافة المجتمع عامة في العقود الآتية على حين الحياة اليومية قد تأثرت بالتغير التكنولوجي السريع ونطاقات البيانات للمعلومات الإلكترونية منتشرة بوفرة والتعديل والتطوير على الجسم الإنساني منتشرة بكثرة.
مخططات السيبربنك -في أغلب الأحيان- مركزة على النزاع بين لصوص الكمبيوتر والاستخبارات الاصطناعية والمؤسسات العملاقة وتميل إلى أن تكون مجموعة في مستقبل الأرض القريبة بدلا من أوضاع المستقبل البعيد الموجودة في بعض الروايات مثل: مؤسسة لإسحاق أسيموف أو كثيب لفرانك هيربيرت.)).
= طب هل فيه أمثلة لأعمال مشهورة ممكن تكون التكنولوجيا المتقدمة فيها موجود بين أشخاص فقراء أو بيستخدموا حاجات قديمة من زمننا (أحد الانتقادات كانت وجود باب بيتقفل بقفل ورزة عاديين وسط كل التكنولوجيا دي)؟
فيه الفيلم النموذجي الأسطوري للجنرا دي (عداء الشفرة) Blade Runner المأخوذ من رواية (هل تحلم الأندرويدز بالخراف الإليكترونية؟)، للكاتب العبقري فيليب كندرد دِك Philip K.Dick، بكل الفظاظة والتلوث والانحطاط المتجاور فيه والمتلاصق مع التقدم التقني الكبير. (اتعمل سيكوال حديث من الفيلم اسمه Blade Runner 2049).
وفيلم جيلنا ماتريكس Matrix اللي باين فيه بوضوح المزيج بين التقنية العالية والحياة المتواضعة "combination of low-life and high tech". وده طبيعي، وفي زمننا إحنا نفسه ممكن تشوف ده في الصين، التلوث والفقر بجوار الموبايلات المتطورة وشاشات البلازما مثلا. الناس اللي بتتخانق في الأحياء الشعبية بالسيوف البدائية وشايلين موبايلات تاتش حديثة.
فيلم (أكيرا Akira) من أفلام المانجا السيبرانية المشهورة، لدرجة إنه أثر في أفلام زي ماتريكس وانسيبشن (وعلى فكرة فيه أشعة ليزر وتطور رهيب، وفي نفس الوقت أبواب المحلات خشب وصاج عاديين، والتريلرز موجودة على يوتيوب لكل الأفلام دي).
ولعبة Metal Gear Solid تطور تكنولوجي كبير، ولسه الناس بتركب أحصنة.
وعشرات المسلسلات والجيمز والكوميكس التانية، اللي لو اتكلمت عنها مش هخلص.
فيه الفيلم النموذجي الأسطوري للجنرا دي (عداء الشفرة) Blade Runner المأخوذ من رواية (هل تحلم الأندرويدز بالخراف الإليكترونية؟)، للكاتب العبقري فيليب كندرد دِك Philip K.Dick، بكل الفظاظة والتلوث والانحطاط المتجاور فيه والمتلاصق مع التقدم التقني الكبير. (اتعمل سيكوال حديث من الفيلم اسمه Blade Runner 2049).
وفيلم جيلنا ماتريكس Matrix اللي باين فيه بوضوح المزيج بين التقنية العالية والحياة المتواضعة "combination of low-life and high tech". وده طبيعي، وفي زمننا إحنا نفسه ممكن تشوف ده في الصين، التلوث والفقر بجوار الموبايلات المتطورة وشاشات البلازما مثلا. الناس اللي بتتخانق في الأحياء الشعبية بالسيوف البدائية وشايلين موبايلات تاتش حديثة.
فيلم (أكيرا Akira) من أفلام المانجا السيبرانية المشهورة، لدرجة إنه أثر في أفلام زي ماتريكس وانسيبشن (وعلى فكرة فيه أشعة ليزر وتطور رهيب، وفي نفس الوقت أبواب المحلات خشب وصاج عاديين، والتريلرز موجودة على يوتيوب لكل الأفلام دي).
ولعبة Metal Gear Solid تطور تكنولوجي كبير، ولسه الناس بتركب أحصنة.
وعشرات المسلسلات والجيمز والكوميكس التانية، اللي لو اتكلمت عنها مش هخلص.
كلها سايبرانية بجدارة، وكلها فيها تشكيلة (الذكاء الصناعي/التمرد/الشركات العملاقة/انهيار المجتمع) المعروفة. ومعظمها بيستخدم تقنيات الأدب البوليسي، اللي بيواجه فيها البطل الشركات العملاقة متعددة الجنسيات اللي حلت محل الحكومات سياسيا واقتصاديا وحتى عسكريا.
= ناقص نشوف فيلم ولا مسلسل فيه قطر بخاري من عصر البخار بيطير، أو غواصة قديمة في السما، فيه المزج الغريب ده بين التكنولوجيا الخيالية والحاجات القديمة؟
الحقيقة فيه، القطر البخاري ممكن يطير في جنرا اسمه ستيم بانك steampunk ، ستيم لأن التكنولوجيا فيه من عصر البخار فعلا، والغواصة بتاعة الحرب العالمية اللي بتطير دي في جنرا اسمه ديزل بانك، وواضح من اسم المصطلح إنه بيمزج التطور الصناعي اللي في فترة الحرب العالمية بالخيال، وأشهر أفلام الصنف ده سلسلة ماد ماكس Mad Max.
= فيه أصناف تانية من عيلة بانك؟
فيه biopunk والبايوبانك بيعتمد على التكنولوجيا الحيوية والتلاعب الجيني.
فيه biopunk والبايوبانك بيعتمد على التكنولوجيا الحيوية والتلاعب الجيني.
= ليه الأنواع الأدبية دي مش معروفة عندنا؟
لأنها أدب ما بعد الحداثة postmodern literature وإحنا لسه معندناش أدباء حداثيين عالميين (باستثناء عمنا نجيب)، عشان يبقى عندنا أدباء ما بعد حداثيين، فضلا عن وفاة النقد الأدبي. وعشان تعرف الغرب سبقنا بكام سنة بالظبط في النوع ده بس (من أنواع الخيال العلمي الفرعية التسعة وتلاتين!)، اطرح سنة 1983 من سنة 2020.
لأنها أدب ما بعد الحداثة postmodern literature وإحنا لسه معندناش أدباء حداثيين عالميين (باستثناء عمنا نجيب)، عشان يبقى عندنا أدباء ما بعد حداثيين، فضلا عن وفاة النقد الأدبي. وعشان تعرف الغرب سبقنا بكام سنة بالظبط في النوع ده بس (من أنواع الخيال العلمي الفرعية التسعة وتلاتين!)، اطرح سنة 1983 من سنة 2020.
تعليقات